fbpx
 

Д-р Рамадан Чипури (Ramadan Çipuri) е професор на Одделот за новинарство и комуникација при Универзитетот во Тирана, Албанија. Неговите студии се фокусирани на прашања поврзани со медиумската етика и е автор на две книги.  Кариерата како академски кадар почнува да ја развива од 2008 година на неколку универзитети во Албанија. Претходно, осум години работел како новинар за некои национални и странски медиуми. Завршил студии по новинарство на Универзитетот во Истанбул, Турција, во 2004 година.

Петар Тодоров работи во Институтот за национална историја. Негов истражувачки интерес е социјалната и урбана историја на Османлиската империја и Балканот во 19 и 20 век, како и историското образование и (зло)употребата на историјата во современите општества. Своето образование го завршил во Скопје (Филозофски Факултет) и Париз (Ecole des hautes études en sciences sociales - EHESS) Научен соработник е на Универзитетот Њу Јорк Тирана. До сега бил на подолги студиски претстои на повеќе универзитети во Европа и Турција.

 
Дарко Стојанов е историчар во Институтот за национална историја во Скопје. Додипломски студии завршил на Универзитетот Св. Кирил и Методиј во Скопје, а магистерски и докторски студии на Ecole Pratique des Hautes Etudes во Париз. Се занимава со периодот на големите миграции во доцната антика и раниот среден век, како и со анализа на учебници по историја. Остварил бројни истражувачки престои во Париз, Берлин, Виена, Грац, Загреб, Брауншвајг, и други европски академски центри. Ко-уредник е на публикацијата Myths and Mythical Spaces. Conditions and Challenges for History Textbooks in Albania and South-Eastern Europe при Георг Екерт институтот за меѓународно истражување на учебници.

Бенџамин Перкс е претставник на УНИЦЕФ во Поранешната Југословенска Република Македонија и е одговорен за застапување и поддршка на реформите кои ги зајакнуваат човековите права на децата, особено во однос на заштитата на децата, правдата, здравството, образованието и раното детство. Тој е, исто така, претседател на Регионалната советодавна група за насилство против децата која промовира реформи за поддршка на примарна превенција и одговор во 21 земја во Европа и Источна Азија. Тој претходно беше претставник на УНИЦЕФ во Црна Гора, а исто така служеше во Грузија, Косово, Авганистан, Индија и Албанија. Во Авганистан тој помогна да ја координира кампањата „Назад на училиште" во северниот дел на земјата, што довело до еден милион девојки и два милиони момчиња во училиште - повеќето од нив за првпат во својот живот.

Во моментов, Перкс е виш научен соработник во Јубилејниот центар на Универзитетот во Бирмингем, кој ја истражува наставата за карактерот, социјалните и емоционалните вештини во училиштата. Тој магистрирал меѓународни односи на Универзитетот Кент во Кантербери и неодамна заврши професионална програма на Харвардскиот факултет за образование за реформи во лидерство и образование. Исто така, работи како тренер на Колеџот за персоналот на системот на ОН, за тимови на високо ниво во Влада/ОН во врска со реформите засновани на човекови права.

Dr Vuk Vučetić rođen je u Sarajevu 1987. godine. Diplomirao je 2010. godine na Filozofskom fakultetu Univerziteta u Istočnom Sarajevu, na Katedri za novinarstvo. Završio je master studije komunikologije 2013. godine na Fakultetu političkih nauka u Sarajevu. Tema master rada je bila „Politički spektakl kao medijski fenomen – primjer BiH“. U 2018. godini odbranio je doktorsku disertaciju na Fakultetu političkih nauka u Sarajevu na temu „Kontroverze medijatizacije politike u savremenoj Bosni i Hercegovini.“ Od 2011. godine stalno je zaposlen  na Filozofskom fakultetu Univerziteta u Istočnom Sarajevu na Katedri za novinarstvo. Učestvovao je na više naučnih konferencija u Srbiji, Crnoj Gori i Bosni i Hercegovini. Njegova sfera intereosvanja su: masovno komuniciranje, politička komunikacija, javno mnjenje, novi mediji i društvene mreže, mediji i politika.

Едоардо Кампанеља работи во Future of the World при Центарот за управување со промени на Универзитетот ИЕ во Мадрид.

Дубравка Валиќ Недељковиќ (1952), до октомври 2018 година, беше редовен професор на Катедрата за медиумски студии на Филозофскиот факултет, Универзитет во Нови Сад, Србија. Клучни теми: новинарство, медиумска писменост, средства за масовна комуникација, анализа на критични медиумски дискурси, родови студии, медиуми на јазиците на малцинствата, мултикултурализам и разновидност на пријавување. Соработник e на списанија и учесник на конференции во земјата и странство (над 150). Има објавено осум книги и над 300 академски трудови во областа на медиумите. Добитник е на многу новинарски награди за информативна радио програма (вести) и радио репортажа.

Г`зим Висока е предавач по политички науки на Универзитетот во Даблин, Ирска, каде што предава мир и конфликти. Тој ги завршил своите докторски студии на истиот универзитет, во областа на политика и меѓународни односи. Автор е на три книги и десетици научни статии кои се однесуваат на интервенција, мир и држава. Неговата академска работа може да се прочита на www.gezimvisoka.com.

Аида Рамушовиќ е ангажирана во новинарството и медиумите повеќе од 15 години. Работела како новинар и продуцент на радио и телевизија. Како долгогодишен уредник на информативната програма на телевизија Вијести, Аида стана првиот омбудсман за медиумите во Црна Гора. Аида Рамушовиќ е директор на НВО НОМЕН и работи како консултант за медиуми и експерт по односи со јавност.

Кетрин Долан е антрополог на SOAS при Универзитетот во Лондон.

Џули Хенеган е пост-докторски истражувач на Факултетот за јавно здравје Џон Хопкинс Блумберг.

Геби Едлин е Извршен директор и основач на Bloody Good Period.

Маргарета Држениек-Хануз е раководител на Одделението за економија на Светскиот економски форум.

Сашка Тодоровска е магистер по менаџмент на човечки ресурси од 2014 година. Нејзиното работно искуство е во областа на човечки ресурси во приватна здравствена компанија. Ориентирана е кон нагласување на потребата за личен и професионален развој. Активно учествува на конференции и е автор на неколку статии од областа на човечки ресурси. Член е на Македонската асоцијација за човечки ресурси и е во процес на сертифицирање за кариерен советник по Меѓународната програма за кариерни советници (GCDF - Global Career Development Facilitator).

Хоми Карас е привремен заменик претседател и директор на Програмата за глобална економија и развој на Институтот Брукингс.

Јаана Ремес е партнер на Глобалниот институт Мекинзи.

Марк С. Вајнер ќе биде почесен претседавач на Катедрата за американски студии на Универзитетот Фулбрајт-Упсала во учебната 2018-19 година. Тој е член на Советодавниот одбор на Центарот „Никсанен“.

Арлинда Илази е програмски директор на Здружението Мултикултура - Тетово. Таа е дипломирана на Факултетот за јазици, култури и комуникации на Универзитетот на Југоисточна Европа, кадешто во моментов е студент на магистерските студии за маркетинг. Целокупното нејзино искуство е насочено кон граѓанските права преку промоција на младинскиот активизам и учество во процесот на донесување на одлуки и развој на културните и на меѓуетничката толеранција и соработка. Има искуство со голем број проекти, истражувања и анализи и е уредник на неколку публикации. Активно работи во областа на Бесплатна правна помо

Д-р Симонида Кацарска е директор на Институтот за европска политика од Скопје. Симонида е доктор на политички науки од Универзитетот Лидс и има завршено магистерски студии од Универзитетот Сасекс во Обединетото Кралство. Таа била истражувач на Универзитетот во Единбург, Колеџот на Европа, универзитетот Оксфорд, како и Централно Европскиот Универзитет. Симонида исто така има искуство како државен службеник во Секретаријатот за европски прашања при Владата на РМ и предавач на Американскиот универзитет во Бугарија. Примарен истражувачки интерес и е политичката трансформација и Европската интеграција на Балканот. Таа редовно објавува истражувачки трудови и е консултант за меѓународни организации.

Проф. д-р Александра Ѓуркова работи во Институтот за македонски јазик „Крсте Мисирков“ при Универзитетот „Св. Кирил и Методиј“ во Скопје. Има завршено Класични студии на Философскиот факултет во Скопје (1996), магистерски студии (2001) и докторски студии (2006) по Македонистика на Филолошкиот факултет во Скопје. Има остварено студиски престои на Институтот по славистика на Универзитетот во Виена (1999/2000), на Институтот по славистика на Универзитетот во Лозана (2002/03), како и на Старословенскиот институт во Загреб (2010). Ангажирана е како истражувач на неколку проекти од областа на историјата на македонскиот јазик, на Правописот на македонскиот јазик и како главен истражувач на проектот Јазичното планирање и јазичните политики во Република Македонија. Има објавено над 50 библиографски единици од областа на црковнословенската синтакса, на социолингвистиката и на стилистиката во домашни и странски научни списанија (Македонски јазик, Филолошки студии, Спектар, Stylistyka, Slavia, Slovo). Член е на Комисиите за социолингвистика и стилистика при Меѓународниот славистички комитет.

Јулија Брсакоска Базеркоска е вонреден професор по меѓународни политички односи на Правниот факултет, Универзитет „Св. Кирил и Методиј“, Скопје. Своите докторски студии ги завршила на Универзитетот во Келн, Германија.

Јана Лозаноска, е доктор на науки при Универзитетот за мир на Обединетите Нации, во Костарика. Магистерски студии по меѓународно хуманитарно право има заршено на Универзитетот во Женева и Институтот за меѓународни студии во Женева-Швајцарија. Додипломски на Правниот факултет во Скопје. Има објавено трудови поврзани со човекови права, род и ЛБТ; прашањето за името од призма на меѓународно право, ЕУ и човекови права, итн.

Свето Тоевски е докторант по лингвистика и магистер по политички науки, долгогодишен независен политички аналитичар и истражувач во лингвистиката и политичките науки.

  • Блогирај +

    Приклучете се кон тимот соработници и предложете тема или испратeте текст, со Ваша фотографија и куса биографија на info@iks.edu.mk.Повеќе

  • Насоки +

    Текстовите треба да имаат помеѓу 900 и 1300 зборови и да бидат напишани во куси пасуси, во разбирлив и неформален стил. Повеќе

  • Преземи +

    Содржината на блогот е слободна за споделување и читателите можат да оставаат разумни и конструктивни коментари на блоговите. Повеќе

  • 1

Следете не